¡MIA E BREIXO XA TEÑEN 5 ANOS!

Mia e Breixo cumpliron 5 anos e quixeros festexalo na escola con todos, polo que fixemos unha pequena festa e como non, a coroación dos 5 anos. ¡Xa teñen unha man enteira de idade!¡Qué maiores!
¡Parabéns rapaces!

OBRADOIRO GALEGARTE (LETRAS GALEGAS 2018)

O pasado Mércores 16 de Maio, e como colofón á Semana Cultura, o alumnado de 5º e 6º de E.I. celebramos no centro e por adiantado o día das Letras Galegas, adicado este ano a Mª Victoria Moreno.
Tras ler algún dos seus contos na aula e ver traballos realizados por nenos e nenas doutros centros decidimos realizar un obradoiro artístico.
No noso caso decantámonos por empezar a deixar impresa "a nosa pegada" bailando ao ritmo da música do grupo galego Migallas. Foi unha experiencia moi bonita e interesante. Agardamos que desfrutedes do vídeo tanto coma nós desfrutamos do obradoiro. 

Lembrade que podedes ver fotos e vídeos de todas as actividades levadas a cabo na Semana Cultural no blog de Leonarda:
http://normalizacionebiblioteca.blogspot.com.es/

OBRADOIRO DE ILUSTRACIÓN

O alumnado de Educación Infantil asistiu na semana do libro a un obradoiro de ilustración no que John Davison ademais de contarlles un conto de Maisy en Inglés ensinoulles a debuxala.  

Dende o blog queremos agradecer tanto a John como á mestra Marta Prado por contar connosco para esta actividade que tanto lles gustou. ¡¡Grazas!!

DÍA DO LIBRO

O pasado 23 de Abril con motivo da celebración do Día do Libro levouse a cabo no centro o "Apadriñamento lector" no que un alumno ou alumna dos cursos superiores len un conto, elixidos por eles mesmos, aos seus apadriñados.

Foi un día marabilloso, cheo de ledicia e emoción no que grandes e pequenos gozaron da lectura en boa compañía.

¡OUTRO ALMORZO SAUDABLE!

Dende o noso centro fomentamos a Educación para a Saúde con diversas rutinas e actividades levadas a cabo ao longo de todo o curso, e como ben sabedes unha das favoritas dos nenos e nenas é a do Almorzo Saudable na que todo o alumnado de Educación Infantil realiza a degustación dun almorzo completo na escola e dende o blog agardamos que gocedes das fotos tanto coma eles fixeron con esta experiencia. 

OBRADOIRO DE PINTURA CON CREMA DE CACAO

Tras unha ausencia prolongada debida a problemas técnicos unidos ás vacacións de Semana Santa e ao final do trimestre estamos de volta co video recopilatorio das fotos que fixemos durante o Obradoiro de pintura con crema de cacao. 
Foi unha experiencia moi divertida e saborosa... ¡Agardamos que vos guste tanto coma a eles!

TRABALLO COOPERATIVO

Como ben sabedes no noso centro estamos introducindo en todas as aulas o traballo cooperativo xa que consideramos que é necesario que os nenos e nenas saiban desenvolverse no traballo en equipo, respectando e aprendendo das aportacións dos compañeiros e perdendo o medo a realizar as súas propias achegas ao grupo.  

Hoxe queremos deixarvos unhas imaxes nas que estamos traballando na aula a técnica do Folio Xiratorio, aproveitando os nosos coñecementos sobre os inventos de Leonardo Da Vinci para poder descubrir canto aprendimos e sabemos entre todos.

SETE RATIÑOS CEGOS

O pasado Venres os nenos e nenas de 2º de Educación Primaria quixeron deleitar novamente a todo o alumnado de Educación Infantil e a 1º de E.P. coa representación do conto "Sete ratiños cegos" en teatro de sombras. Están feitos uns artistas e por iso queremos compartir convosco o seu traballo. 

DÍA DE ROSALÍA DE CASTRO

Para celebrar o día de Rosalía de Castro, os nenos e nenas de Educación Infantil quixemos agasallar a todo o alumnado de Primaria recitando o poema "Cando era tempo de inverno" e non podemos deixar de compartilo convosco.

Ademais deixámoslles deberes: colorear unha imaxe de Rosalía que lles entregamos e coa que os vindeiros días decoraremos o noso cole.

VISITA DOS ALUMNOS DE 2º DE E.P.

Hoxe tivemos unha visita moi especial, a dos nenos e nenas de 2º de E.P. que coma nós están investigando sobre a figura de Leonardo Da Vinci e o seu país de orixe: Italia.

Fixeron un mural interesantísimo que quixeron compartir connosco e nos ensinaron moitas cousas, algunhas delas non as sabiamos e puidemos intercambiar con eles outras que eles descoñecían.

¡Unha visita do máis produtiva! Agardamos que regresen pronto.

¡Grazas por vir!

ENTROIDO 2018

Grazas a todas as familias que coa vosa inestimable axuda fixéchedes que o Festival de Entroido fora un éxito total unha vez máis.

Agardamos que vos guste o vídeo resumo!

SAIDA AFUNDACION E EXPOSICION LEONARDO DA VINCI

Leonardo da Vinci non deixa de sorprendernos. Encántanos aprender cousas sobre a súa vida e os seus inventos e que mellor forma de seguir aprendendo que visitar a Exposición que nestes momentos podemos ver na nave "El Tinglado". Foi unha experiencia xenial. Agardamos que vos guste tanto coma a nós.

DÍA DA PAZ

Aquí tedes o vídeo resumo da celebración na escola do día da Paz. Agardamos que vos guste!

CANTIGA AFRICANA DA PAZ 2018

O vindeiro Martes 30 de Xaneiro celebraremos no centro o día da Paz polo que compartimos convosco a canción que imos a cantar e bailar para que poidades ir ensaiando na casa:

Os nosos pensamentos están contigo.

As nosas palabras están contigo.

O noso corazón está contigo.

Conta comigo, son o/a teu/túa amigo/a.

Funga alafia 

Ashe ashe

Funga alafia 

Ashe ashe

Funga alafia 

Ashe ashe

ALMORZO SAUDABLE

O pasado Xoves 19 de Xaneiro celebramos na nosa escola un almorzo saudable composto por leite con cacao, pan con marmelada de amorodos e zume de laranxa recén espremido e gustounos tanto que estamos desexando repetir.

CASAS DO MUNDO

O pasado xoves Sole, a nai de Jimena, contounos un conto moi interesante sobre as casas que hai polo mundo e desfrutamos coñecendo as diferentes construcións que existen no noso planeta.
¡¡Moitas grazas por vir!! 

ESTAMOS DE VOLTA

Xa estamos de volta e como o noso é celebrar as cousas boas e bonitas, onte tocounos festexar o quinto aniversario de Jimena.¡Parabéns!

FELIZ ANINOVO

¡Os nenos e nenas de 5º de Educación do CEIP Josefa Alonso e a profe Nati desexámosvos a todos un Feliz Aninovo!